من طرف ابورحال 26/11/2009, 11:33 am
ياهلا وغلا وشكراً لك يا زعيم
والله اني انزل الصور والمعده تتراقص
ولاكن ابشرك سويتلي ذاك الطبخ الي يعجبه قلبك
وياليت تدري وش من طبخ بعد المشاهد الي في الصور
شفتها قررت اسوي طبخه خاصه
والله ياعزيزي وشوف قدامي ذيك الطاوه وقلب افكاري ميسره
وميمنه قلت ياولد ما لك الا تخترع طبخه شهيه ولها شكل يفتح النفس اكثر واكثر واتحدافيهااحسن الطباخين اجبلك الطاوه وافرم البصل والطماط والبهارات وحطها في الطاوه وشغل عليها النار والله شوي اشوف إن الرز مااحد قبلي طبخه في طاوه قلت يا بورحال وش رايك في ذي الفكره وفعلن قليته وسلقته وكل مايخلص الزيت اصب زيت وكل ما ينشف الماء احط ماء قلت ياولد ليه ما اتفنن
اكثر واخلط مع الرز الي في الطاوه بيض وخلطت البيض وشوي قلت ياولد ليه مااحط مع الرز والبيض حبات باذنجان كامله واسلقه مع المجموعه يا الله حط يا ولد والله الطاوه كل ما جالها ماعاد تتسع للمكونات قلت لازم اوصل العمل والله ياولد شوي الا وريحة الاكل ماعاد تنعريف رز لا بصل لا اسود لا بيض بهارات والله لا ايوه
يابورحال وش ذالعلم ياولد يمكن الطبخه اقول في صدري توها ماستوت واصل ياشيخ ورفع النار على الغاز والله طبخه إن شاء الله حلوه ويالله نشف الماء وصب ياولد ونشف ثانيه وانااصب والله يالحبيب من الساعه ( ثمانيه ونا اطبخ حتاالساعه قرابت 11)
والله وروح للطاوه واشوف عجب العجاب الله لايوريك الاكل راح فيها والله ياولد تشوفه تحرم الاكل لولك من الاكل الف عام
وراحت وتشتت كل افكاري وامالي وقررت ان اشتري حبه من المخبز
(فراته) مع كوب شي وماقول الا الله يعوض ام العيال
على الرز الي راح فيها وبهاراتها وخضرواتها والعلبه الزيت الي خلصتها وانا اخترع الاكله الي سميتها ( الطبخه المخلوطه )
الله لايبلنا والحكم الفاضيه
اتمنا اعجبتكم ياالله اناابي اروح المطبخ ادورشي اسدبه الجوع بي
